(ភ្នំពេញ) ៖ ក្មួយប្រុសម្នាក់ ត្រូវបានម្តាយមីងប្តឹងសមត្តកិច្ចកងរាជអាវុធហត្ថរាជធានីភ្នំពេញ ឲ្យឃាត់ខ្លួនបញ្ជូនទៅតុលាការ កាលពីរសៀលថ្ងៃទី៥ ខែមេសា ឆ្នាំ២០២៣ ពាក់ពន្ធសំណុំរឿងបទ.រំលោ.ភលើទំនុកចិត្ត ពោលគឺមិនបំពេញកាតព្វកិច្ចចំពោះឧបករណ៍អាចជួញដូរបាន ។
ជនសង្ស័យឈ្មោះ ស៊ុ សូលីដា ភេទប្រុស អាយុ៣៩ឆ្នាំ មុខរបរ មិនពិតប្រាកដ ស្នាក់នៅសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។
ការឃាត់ខ្លួនជនសង្ស័យខាងលើ សមត្តកិច្ចបានអនុវត្តតាមដីកាបញ្ជាឲ្យចូលខ្លួន របស់លោក សេង ហៀង ព្រះរាជអាជ្ញារង នៃអយ្យការអមសាលា ដំបូងរាជធានីភ្នំពេញ ។
តាមដីកាបញ្ជាឲ្យចូលខ្លួនបានបញ្ជាក់ថា បុគ្គលឈ្មោះ ស៊ុ សូលីដា ត្រូវបង្ហាញខ្លួននៅអយ្យការអមសាលាដំបូងរាជធានីភ្នំពេញ ឲ្យបានមុនថ្ងៃទី១១ ខែមេសា ឆ្នាំ២០២៣ ដើម្បីសាកសួរពីដំណើររឿង.រំលោ.ភលើទំនុកចិត្ត ដោយមិនបំពេញកាតព្វកិច្ចចំពោះឧបករណ៍អាចជួញដូរបាន ពាក់ព័ន្ធចេញសែកអត់លុយ ។
ជនសង្ស័យត្រូវបានតំណាងអយ្យការ កំពុងបើកការស៊ើបសួរតាមនីតិវិធី រហូតដល់រសៀលថ្ងៃទី៦ ខែមេសា មិនទាន់បានបញ្ចប់នៅឡើយទេ ។ អង្គហេតុនៃការឃាត់ខ្លួនជនសង្ស័យខាងលើនេះ ត្រូវបានស្ត្រីម្នាក់អះអាងថា ជាម្តាយមីងដែរនោះ ដែលបានព្យាយាមតាមមកមើលក្មួយដល់សាលាដំបូងរាជធានីភ្នំពេញ បង្ហើបឲ្យដឹងថា ក្មួយគាត់ជាមនុស្សល្អណាស់ រឿងចាប់ខ្លួននេះគឺផ្តើមចេញពីរឿងចងការប្រាក់ ដែលក្មួយ ស៊ុ សូលីដា បានខ្ចីលុយពីម្តាយមីងម្នាក់ទៀត «ត្រូវជាបងស្រីគាត់» តែមិនដឹងប៉ុន្មានទេ ដើម្បីយកទៅធ្វើដើមទុនប្រកមមុខរបររកស៊ី ។
Picture
ក្រោយមកមុខរបររកស៊ីនោះក៏ខាតចុងខាតដើម មិនបានបង្វិលប្រាក់ទាន់ពេលវេលា ឲ្យទៅម្តាយមីងនោះ តែបានបង់ការ ប្រាក់ជាបន្តបន្ទាប់ ។ ក្នុងដំណាក់កាលកំពុងបង់ការប្រាក់ ក្មួយ ស៊ុ សូលីដា បានដាក់ប្លង់ដីមួយកន្លែង មានតម្លៃប្រហាក់ប្រហែល២ម៉ឺនដុល្លាអាមេរិក និងបានចេញមូលប្បទានប័ត្រមួយសន្លឹក តម្កល់ឲ្យម្ចាស់បំណុលមានការជឿទុកចិត្ត ។ ប៉ុន្តែនៅពេលអត់លុយបង់តាមកិច្ចសន្យា ក៏ត្រូវម្តាយមីងយកសែកអត់លុយនោះទៅប្តឹងសមត្ថកិច្ចឲ្យចាប់ខ្លួនក្មួយគាត់ពី.រំលោ.ភលើទំនុកចិត្ត ពោលគឺពាក់ព័ន្ធនឹងចេញ«សែកស្អុយ» ៕សហការី