(បាត់ដំបង) :លោកវរសេនីយ៍ឯក ឈឿន គឹមសុង ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង ។
👮 ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជា លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ និងមានការសម្របសម្រួលទៅលេីនីតិវិធីពីឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ១៣ ខែ ឧសភា ឆ្នាំ ២០២២ វេលាម៉ោង ១៤និង២៨នាទី នៅចំណុចលើផ្លូវជាតិលេខ ៥៧ ស្ថិតនៅក្នុងភូមិអណ្តូងព្រីង សង្កាត់អូរម៉ាល់ ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រត្តិបត្តិការ បង្ក្រាប ករណី លួចមានស្ថានទម្ងន់ទោស ( កាច់សោរ យកម៉ូតូ ) ០១ ករណី និងបានធ្វើការនាំខ្លួន ជនសង្ស័យចំនួន ០១ នាក់ ឈ្មោះ ឃុត ប៊ុនធិន ភេទប្រុស អាយុ ៥២ ឆ្នាំ មានទីលំនៅភូមិបឹងរាំង សង្កាត់អូរម៉ាល់ ក្រុងបាត់ដំបង ខេត្តបាត់ដំបង ។
👉 ជនសង្ស័យខាងលើបានធ្វើសកម្មភាព កាច់សោរលួចយកម៉ូតូ របស់ជនរងគ្រោះ ឈ្មោះ បឿង លក្ខិណា ភេទស្រី អាយុ ៣២ ឆ្នាំ មានទីលំនៅភូមិហៃសាន ឃុំជ្រៃ ស្រុកថ្មគោល ខេត្តបាត់ដំបង កាលពីថ្ងៃទី ០៨ ខែ មេសា ឆ្នាំ ២០២២ វេលាម៉ោង ០៨:១០ នាទី នៅចំណុចផ្សារលើ ស្ថិតនៅក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
📍 វត្ថុតាងដកហូតរួមមាន
– ម៉ូតូ ០១ គ្រឿងម៉ាក ហុងដា ឌ្រីម សេ ១២៥ ពណ៌ ខ្មៅ ស៊េរីឆ្នាំ ២០១៨ លេខតួ ម៉ាស៊ីន 5157967 ពាក់ស្លាកលេខ ភ្នំពេញ 1HN-7466
-កូនសោរម៉ូតូចំនួន ២៥ គ្រាប់
- តួណឺវីស ចំនួន ០២ ដេីម
- មួកសុវត្ថិភាពចំនួន ០២
បច្ចុប្បន្នការិយាល័យជំនាញកំពុងកសាងសុំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។