(បន្ទាយមានជ័យ) ៖ បុរសម្នាក់បានបង់សំណាញ់ប្រយ៉ុងនៅក្នុងស្ទឹង ស្រាប់តែជាប់កូនក្រពើ១ក្បាល បង្កការភ្ញាក់ផ្អើលកាលពីថ្ងៃទី៣០ ខែកក្កដា ឆ្នាំ២០២៣ ស្ថិតភូមិថ្មី សង្កាត់ភ្នៀត ក្រុងសិរីសោភ័ណ ។
លោក ហួត សាវឺ ចៅសង្កាត់ភ្នៀតបានប្រាប់ថា អ្នកដែលបង់សំណាញ់ជាប់កូនក្រពើ មានឈ្មោះ ជីម លី ភេទប្រុស អាយុ២៦ឆ្នាំ រស់នៅភូមិខាងលើ ។ មុនពេលបង់សំណាញ់ជាប់កូនក្រពើនេះ គឺមានប្រជាពលរដ្ឋ៤ទៅ៥នាក់ បានជិះទូក២ ទៅ៣គ្រឿង បានទៅរកបង់សំណាញ់ចាប់ត្រីនៅដងស្ទឹងភ្នៀត ព្រោះឃើញត្រីផុសឡើងជាច្រើន បានបង់សំណាញ់ប្រយ៉ុងក្រឡាអង្វើល បានស្រាវមកក៏ជាប់កូនក្រពើនេះបណ្តាលឱ្យរាងភ័យបះសក់ដែរ ហើយគាត់ចាប់ក្រពើ១ក្បាលចងជើងយកមកផ្ទះរបស់គាត់ ។
លោកបានបញ្ជាក់ទៀតថា ក្រោយប្រជានេសាទបង់សំណាញ់ជាប់ក្រពើ១ក្បាលមានទម្ងន់ជិត៥គីឡូក្រាម ត្រូវបានចាប់ចងជើងយកទៅផ្ទៈ ហើយក្រពើ១ក្បាលដែលប្រជានេសាទបង់សំណាញ់ជាប់អាចជាក្រពើរួចចេញពីអាងចិញ្ចឹមណាមួយកាលពីទឹកលិចកាលពីឆ្នាំ២០២២កន្លងទៅ រួចចូលស្ទឹងភ្នៀតទើបបង់សំណាញ់ប្រយ៉ុងចាប់បាន ។
លោក ហួត សារី បានបញ្ជាក់ថា ពិតជាមានការព្រួយបារម្ភ ក្រោយបង់សំណាញ់ក្នុងស្ទឹងភ្នៀតជាប់ក្រពើ ដូច្នេះ បងប្អូនប្រជាពលរដ្ឋរស់នៅតាមដងស្ទឹង ត្រូវមានការប្រុងប្រយ័ត្ន កុំចុះលេងទឹក ព្រោះអាចមានគ្រោះថ្នាក់ ដែលយើងមិនបានដឹងថា មានឬអត់ នៅពេលបង់សំណាញ់។សហការី