(ត្បូងឃ្មុំ) ៖ ប្រភពពីអ្នកញៀនល្បែងជល់មាន់ បានបញ្ជាក់ថាកំពុងបើកលេងនៅ ចំណុភូមិស្ទឹងពេញ ឃុំជីគរ ស្រុកត្បូងឃ្មុំ យ៉ាងគគ្រឹកគគ្រេង បែរជាអាជ្ញាធរមានសមត្ថកិច្ច រក្សាភាពស្ងៀមស្ងាត់ ។
មជ្ឈដ្ឋានខាងក្រៅ ! រិះគន់ចំៗទៅលេីសមត្ថកិច្ចថ្នាក់ឃុំព្រមទាំង សមត្ថកិច្ចថ្នាក់ស្រុកបណ្ដែតបណ្ដោយ ឲ្យឈ្មោះ ស៊ូម បេីកល្បែងបញ្ជាល់មាន់ ចំណុចចំការស្វាយចន្ទី ស្ថិតនៅក្នុងភូមិស្ទឹងពេញ ឃុំជីគរ
ហើយត្រូវបានប្រជាពលរដ្ឋរស់នៅ ស្រុកត្បូងឃ្មុំ ខេត្តត្បូងឃ្មុំ យកមាន់ទៅលេងយ៉សងពពាក់ពពូន សមត្ថកិច្ចពាក់ព័ន្ធថ្នាក់ស្រុក ថ្នាក់ខេត្ត ធ្វេីមិនដឹងមិនឬអ្វីទាំងអស់ ទុកឲ្យលេងតាមអំពើចិត្ត។
ទោះបីជាប្រមុខរាជរដ្ឋាភិបាលសម្តេចតេជោ ហ៊ុន សែន នាយករដ្ឋមន្ត្រី ធ្លាប់បានចេញបទបញ្ជាអោយអាជ្ញាធរ និងសមត្ថកិច្ចគ្រប់ជាន់ថ្នាក់ ត្រូវរួមគ្នាធ្វើការបង្ក្រាបអោយអស់ក៏ដោយ។
រឿងល្បែងបញ្ជាល់មាន់លេងស៊ីសងខុសច្បាប់ អង្គភាពសារព័ត៌មានយើង បានទំនាក់ទំនងទៅលោកអធិការនគរបាលស្រុកត្បូងឃ្មុំ រក្សាភាពស្ងាតឈឹងតែម្តង..!។
រម្លឹកថា កាលពីអំឡុងខែកញ្ញាឆ្នាំ 2022 សម្ដេចតេជោ ហ៊ុន សែន អតីតនាយករដ្ឋមន្ត្រី បានចេញវិធានការ បញ្ជាឲ្យអភិបាលរាជធានី- ខេត្ត- ហ្នឹងអាជ្ញាធរពាក់ព័ន្ធក្នុងមូលដ្ឋានចុះបង្ក្រាប ល្បែងស៊ីសងគ្រប់ប្រភេទ ក្រោយមានការរិះគន់ ក្នុងនោះសម្ដេច ហ៊ុន សែនក៏បានព្រមានដកដំណែង ថ្នាក់ដឹកនាំមូលដ្ឋានដែលបណ្ដែតបណ្ដោយ ឱ្យមានល្បែងស៊ីសងកេីតឡើងក្នុងដែនដីរបស់ខ្លួនឡេីយ។
ប្រជាពលរដ្ឋ រស់នៅភូមិស្ទឹងពេញ ឃុំជីគរ ស្រុកត្បូងឃ្មុំ អំពាវនាវដល់លោក ចៅហ្វាយខេត្ត និងលោកឧត្តមសេនីយ៍ មុន មាគា៍ ស្នងការខេត្តត្បូងឃ្មុំ មានវិធានការក្តៅចាត់កម្លាំងក្រោមឱវាទចុះមកបង្ក្រាបល្បែងស៊ីសងខុសច្បាប់ជាបន្ទាន់ ដើម្បីឲ្យស្របតាមគោលនយោបាយភូមិ ឃុំ មានសុវត្ថិភាព របស់រាជរដ្ឋាភិបាលដែលដាក់ចេញដោយក្រសួងមហាផ្ទៃ៕សហការី
