(ព្រៃវែង) ៖ នៅថ្ងៃទី៣១ ខែកក្កដា ឆ្នាំ២០២៤ រដ្ឋបាលខេត្តព្រៃវែង ជួសមុខអោយក្រុមយុវជនស្រុកមេសាង ខេត្តព្រៃវែង សូមគោរពថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងារចុះមូលដ្ឋានខេត្តព្រៃវែង និងលោកជំទាវ កែ សួនសុភី ស សុខា ដែលបានឧបត្ថម្ភគាំទ្រដំណើរទស្សនកិច្ចសិក្សារបស់ក្រុមយុវជនស្រុកមេសាង ខេត្តព្រៃវែង ចំនួន ២២៩នាក់ ឆ្ពោះទៅ៖
១-វិមានឈ្នះឈ្នះ
២-សារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង
៣-មជ្ឈមណ្ឌលធនធានសាលាក្តីខ្មែរក្រហម
ដើម្បីស្វែងយល់សក្ខីភាពប្រវត្តិសាស្ត្រថ្មីៗរបស់កម្ពុជា យល់ដឹងកាន់តែច្បាស់អំពីរបបប្រល័យពូជសាសន៍ យល់ដឹងពីការពិត និងចងចាំកាន់តែច្បាស់ថា របបនោះពិតជាមានការកាប់សម្លាប់ប្រជាជនអស់រាប់លាននាក់ពិតប្រាកដមែន។ ក្រោមការតស៊ូរំដោះជាតិ ដោយសម្តេចទាំង៣ (សម្តេច ជា ស៊ីម សម្តេច ហេង សំរិន សម្តេចតេជោ ហ៊ុន សែន) និងឥស្សរជនមួយចំនួនទៀត បានយកជីវិតធ្វើជាដើមទុន ក្រោកឈរតស៊ូរំដោះប្រទេសរហូតទទួលបានជ័យជំនះជូនជាតិមាតុភូមិ និងធ្វើការអភិវឌ្ឍមកដល់សព្វថ្ងៃនេះ។ ក្នុងនាមយើងទាំងអស់គ្នាជាយុវជនបន្តវេន សូមប្ដេជ្ញាចិត្តចូលរួមទប់ស្កាត់ រក្សាសុខសន្តិភាព និងមិនអោយរបបដ៏យង់ឃ្នងនេះ វិលមកវិញសាជាថ្មីម្ដងទៀត នៅលើទឹកដីមាតុភូមិកម្ពុជាឡើយ។
អរគុណសន្តិភាព🙏
