(ភ្នំពេញ) ៖ ជនសង្ស័យម្នាក់បានធ្វេីសកម្មភាពលួចកាច់សោ.កម៉ូតូធូដេមួយគ្រឿងបានសម្រេច រួចជិះទៅឃេីញម៉ូតូម៉ាកនិចមួយគ្រឿងដែលគេចតមុខផ្ទះទំនងក៏ចុះទៅកាច់កម៉ូតូបម្រុងជិះចេញក៏ត្រូវម្ចាស់ឃេីញស្រែកឆោឡោចាប់ខ្លួនជនសង្ស័យបានប្រគល់ឲ្យសមត្ថកិច្ច កាលពីវេលាម៉ោង៥ទៀបភ្លឺ ថ្ងៃទី០៨ ខែកុម្ភៈ ឆ្នាំ២០២៤ នៅភូមិចេក សង្កាត់ជេីងឯក ខណ្ឌដង្កោ រាជធានីភ្នំពេញ ។
ជនសង្ស័យម្នាក់ដែលឃាត់ខ្លួនបានមានឈ្មោះ កុល ពិសិដ្ឋ ភេទប្រុស អាយុ៤០ឆ្នាំ មុខរបរនិងស្នាក់នៅមិនពិតប្រាកដ ។
តាមសម្ដីស្ត្រីម្ចាស់ម៉ូតូម៉ាក ហុងដាធូដេ ពណ៌ក្រហម ពាក់ផ្លាកលេខ កណ្ដាល 1U-2365 បានប្រាប់ឲ្យដឹងថា មុនកេីតហេតុ រូបគាត់បានជិះម៉ូតូរបស់ខ្លួនយកមកទុកនៅទូរកុងតឺន័រតែមិនបានចាក់សោរត្រឹមត្រូវនោះទេរួចក៏ចូលសម្រាកដូចសព្វដង ។ លុះពេលជិតភ្លឺភ្ញាក់ដឹងខ្លួនទៅមេីលម៉ូតូក៏បាត់ទេីបដេីររកស្រាប់តែឃេីញជនសង្ស័យកំពុងកាច់កម៉ូតូម៉ាកស៊ុយស៊ុគីនិចមួយគ្រឿងទៀត ពណ៌ស ពាក់ផ្លាកលេខ ភ្នំពេញ 1FG-7663 ទាំងដែលម៉ូតូធូដេរបស់គាត់នៅក្បែរក៏ស្រែកចោរៗផ្អេីលដល់អ្នកភូមិនិងម្ចាស់ម៉ូតូម៉ាកនិច ចេញមកជួយចាប់ជនសង្ស័យបាន រួចទាក់ទងប្រគល់ឲ្យសមត្ថកិច្ច ។
បច្ចុប្បន្ននេះ ជនសង្ស័យរួមនឹងវត្ថុតាងខាងលេីត្រូវបានបញ្ជូនមកកាន់អធិការដ្ឋាននគរបាលខណ្ឌដង្កោ ដេីម្បីធ្វេីការសាកសួរនិងចាត់ការតាមនីតិវិធី ៕សហការី
