(បាត់ដំបង) ដោយអនុវត្តន៍តាមការណែនាំបញ្ជាផ្ទាល់ពី លោក ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ និងមានការសម្របសម្រួលទៅលេីនីតិវិធីពីឯកឧត្ដម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង កាលពីថ្ងៃទី ០៨ ខែ ឧសភា ឆ្នាំ ២០២១ វេលាម៉ោង ១២:៥២ នាទី ការិយាល័យនគរបាលព្រហ្មទណ្ឌកម្រិតស្រាល បានទទួលបណ្តឹងពីជនរងគ្រោះឈ្មោះ សុខ សីហា ភេទប្រុស អាយុ ១៦ ឆ្នាំ មានទីលំនៅភូមិឡឥដ្ឋ សង្កាត់ ព្រែកព្រះស្តេច ក្រុង បាត់ដំបង ខេត្តបាត់ដំបង ដែលពាក់ព័ន្ធនឹងករណី ហិង្សាដោយចេតនាមានស្ថានទម្ងន់ទោស ( គប់ដោយដុំថ្ម និងពូថៅ ) ដែលកេីតហេតុនៅចំណុចភូមិតាកុក ឃុំនរា ស្រុកសង្កែ ខេត្តបាត់ដំបង កាលពីថ្ងៃទី ០៧ ខែ ឧសភា ឆ្នាំ ២០២១ វេលាម៉ោង ២១:៣០ នាទី ។
ក្រោយពីការិយាល័យបានទទួលបណ្តឹងរួច លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងការិយាល័យជំនាញ ធ្វេីការស្រាវជ្រាវ រហូតឈានដល់ធ្វេីការ នាំខ្លួន ជនសង្ស័យ ចំនួន ០៣ នាក់
1️⃣ ឈ្មោះ ចាន់ ប៊ុនធឿន ហៅ លីន ភេទប្រុស អាយុ ២២ ឆ្នាំ មានទីលំនៅភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង នៅថ្ងៃទី ១០ ខែ ឧសភា ឆ្នាំ ២០២១ វេលាម៉ោង ០៤:៣០ នាទី ត្រង់ចំណុចសួនច្បារសម្ដេច ក្រឡាហោម ស ខេង ដែលស្ថិតនៅក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្ត បាត់ដំបង ។
2️⃣ ឈ្មោះ ឡេ ឡេង ហៅ ឡុង ភេទប្រុស អាយុ ១៨ ឆ្នាំ មានទីលំនៅភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ ខេត្តបាត់ដំបង វេលាម៉ោង ០៩:១០ នាទី នៅត្រង់ចំណុចផ្ទះសំណាក់ យីហោ បូរមី ស្ថិតក្នុងភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
3️⃣ ឈ្មោះ ឈុំ សម្បត្តិ ហៅ បាត់ ភេទប្រុស អាយុ ១៩ ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង វេលាម៉ោង ១៣:១០ នាទី នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
📍 វត្ថុតាងដកហូតមាន ៖
- ពូថៅដងឈេី ប្រវែង ៤៥ សង់ទីម៉ែត្រ ០១
បច្ចុប្បន្នការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។