អភិបាលខេត្តបាត់ដំបង ដឹកនាំកិច្ចប្រជុំពិភាក្សា ស្ដីពីករណីវិវាទដីធ្លី ស្ថិតក្នុងស្រុកគាស់ក្រឡ !

(បាត់ដំបង) នារសៀលថ្ងៃទី២៦ ខែតុលា ឆ្នាំ២០២១ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានដឹកនាំកិច្ចប្រជុំពិភាក្សាស្ដីពីវិវាទដីធ្លី រវាងក្រុមហ៊ុន អេហ្រ្គីខលឈ័រ ហ្រ្គីនហ្វៀល ខូអិលធីឌី ជាមួយភាគីពាក់ព័ន្ធ ស្ថិតក្នុងភូមិសាស្រ្ដឃុំដូនបា និងឃុំឆ្នាល់មាន់ ស្រុកគាស់ក្រឡ ខេត្តបាត់ដំបង។

ក្នុងកិច្ចប្រជុំនេះដែរ ក៏មានការចូលរួមដោយឯកឧត្តមអភិបាលរងនៃគណៈអភិបាលខេត្ត លោកអភិបាលនៃគណៈអភិបាលស្រុកគាស់ក្រឡ លោកប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោកនាយករងរដ្ឋបាលសាលាខេត្ត លោកនាយកទីចាត់ការអន្តរវិស័យ ព្រមទាំងអ្នកពាក់ព័ន្ធមួយចំនួនទៀតផងដែរ៕