(សៀមរាប) ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប នាំយកថវិកា គ្រឿងឧបភោគបរិភោគ និងសម្ភារ:ប្រើប្រាស់ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ផ្តល់ជូនក្រុមគ្រួសារកុមារា គង់ សីហា ដែលមានជីវភាពទីទ័លក្រ នៅភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប នាព្រឹកថ្ងៃទី០៣ ខែវិច្ឆិកា ឆ្នាំ២០២១។
ពិធីសំណេះសំណាល និងប្រគល់អំណោយនេះធ្វើឡើង នាលំនៅឋានរបស់គ្រួសារកុមារា គង់ សីហា ផ្ទាល់ ដែលអំណោយរួមមាន: ថវិកាចំនួន ២០លានរៀល, គ្រឿងឧបភោគបរិភោគ សម្ភារ:ប្រើប្រាស់មួយចំនួន និងផ្ទះមួយខ្នង។
