(កំពង់ចាម) :ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅព្រឹកថ្ងៃសៅរ៍ ទី១៤ ខែឧសភា ឆ្នាំ២០២២នេះ បានអញ្ជើញចូលរួមក្នុងពិធីសម្ពោធដាក់ឲ្យប្រើប្រាស់ជាផ្លូវការអាគារសិក្សា១ខ្នង ៣បន្ទប់ និងផ្លូវបេតុងប្រវែង២.០៣១ម៉ែត្រ ក្នុងភូមិក្សេរ ឃុំព្រែករំដេង ស្រុកស្រីសន្ធរ ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ហ៊ុន ម៉ានិត តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។ ពិធីនេះមានការអញ្ជើញចូលរួមពីសមាជិករដ្ឋ សភាព្រឹទ្ធសភា ក្រុមការងារថ្នាក់ជាតិចុះជួយស្រុកស្រីសន្ធរ ប្រធានសាលាដំបូងខេត្ត ព្រះរាជអាជ្ញាអមសាលាដំបូងខេត្ត អភិបាលរងខេត្ត នាយករដ្ឋបាល កងកម្លាំងទាំងបី មន្ទីរអង្គភាពជុំវិញខេត្ត អាជ្ញាធរមូលដ្ឋាន និងលោកតាលោកយាយ លោកគ្រូ អ្នកគ្រូ សិស្សានុសិស្ស យុវជន ព្រមទាំងបងប្អូនប្រជាពលរដ្ឋប្រមាណជាង ១ពាន់នាក់។
https://www.facebook.com/100057336855109/posts/484206176833940/
