(កំពង់ចាម) :នៅវេលាម៉ោង ១៧:៣០ រសៀលថ្ងៃដដែល ឯកឧត្តមប្រធានក្រុមការងារ និងលោកជំទាវ ព្រមជាមួយសហការី បានអញ្ជើញមកវត្តខែលជ័យស្ថិតក្នុងភូមិខែល ឃុំអូរស្វាយ ស្រុកកំពង់ សៀម ដើម្បីចុះមកពិនិត្យ និងឧបត្ថម្ភថវិកាបន្ថែមចំនួន ២៥ ០០០ដុល្លារ ប្រគេនព្រះចៅអធិការវត្តដើម្បីយកទៅបង្ហើយដំបូលកុដិដែលកំពុងសាងសង់ទុកសម្រាប់សមណ:សិស្សពុទ្ធិកបឋម សិក្សាស្នាក់នៅ ឲ្យបានរួចរាល់ទាន់ពេលវេលា។ សូមបញ្ជាក់ថា កុដិសម្រាប់សមណៈសិស្សពុទ្ធិកបឋមសិក្សា បានចាប់ផ្តើមបញ្ចុះបឋមសិលា កាលពីថ្ងៃទី០៦ ខែមិនា ឆ្នាំ២០២០ ។