(កំពង់ចាម) ៖នៅព្រឹកថ្ងៃទី០៥ ខែធ្នូ ឆ្នាំ២០២២ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ឡៅ ឈាវអ៊ាវ អនុរដ្ឋលេខាធិការក្រសួងអប់រំយុវជន និងកីឡា និងជាប្រធាន គណៈមេប្រយោគទូទាំងប្រទេស ប្រចាំខេត្តកំពង់ចាម និងលោកជំទាវ ម៉ា សូយុិនដា ឧបការីអង្គភាពប្រឆាំងអំពើពុករលួយ តំណាងដ៏ខ្ពង់ខ្ពស់ ឯកឧត្តម កិត្តិនីតិកោសលបណ្ឌិត ឱម យ៉ិនទៀង ប្រធានអង្គភាពប្រឆាំងអំពើពុករលួយ និងដោយមានការចូលរួមពីសំណាក់ ប្រតិភូក្រសួងអប់រំយុវជននិងកីឡា ប្រតិភូអង្គភាពប្រឆាំងអំពើពុករលួយ និងមន្ត្រីពាក់ព័ន្ធ អញ្ជើញកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលវិទ្យាល័យព្រះសីហនុ ក្រុងកំពង់ចាម។
មណ្ឌលប្រឡងទុតិយភូមិឆ្នាំសិក្សា ២០២២នេះ មានចំនួន ១២ មណ្ឌល ក្នុងនោះមណ្ឌលមុខវិជ្ជា វិទ្យាសាស្ត្រ ចំនួន៥មណ្ឌល និងមណ្ឌលមុខវិជ្ជា វិទ្យាសាស្រ្តសង្គម ចំនួន៧មណ្ឌល ព្រមទាំងមានបេក្ខភាពប្រឡងចំនួន ៧.១១១នាក់
តាមរបាយការណ៍របស់ប្រធានមន្ទីរអប់រំយុវជន និងកីឡាខេត្តកំពង់ចាម លោក លី ម៉េងសាន បានប្រាប់ឲ្យដឹងនៅថ្ងៃទី០៥ ខែធ្នូ ឆ្នាំ ២០២២នេះថា÷ ដំណើការ នៃការប្រឡងទុតិយភូមិឆ្នាំនេះដែរមន្ទីរបានបែងចែកមណ្ឌលប្រឡងចំនួន ១២ មណ្ឌល ដោយស្មើនឹង ២៨៧បន្ទប់ ភាគច្រើនមានទីតាំងឋិតនៅក្នុងទីប្រជុំជនក្រុងទាំងអស់ដើម្បីងាយស្រួលក្នុងការគ្រប់គ្រង។
គូរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២០២២ មានរយៈពេល២ថ្ងៃ គឺចាប់ពីថ្ងៃទី០៥-០៦ ខែធ្នូ ឆ្នាំ២០២២។