(ភ្នំពេញ) ៖ រថយន្តកុងតឺន័រមានតែក្បាលបេីកលឿន
ហ្វ្រាំងមិនស៊ីក៏ជ្រុលបុកចូលផ្ទះជួសជុលម៉ូតូមួយកន្លែងកិនម៉ូតូចំនួន៧គ្រឿងរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង៣និង២០នាទីរសៀលថ្ងៃទី៣១ ខែកក្កដា ឆ្នាំ២០២៣ នៅចំណុចផ្ទះជួសជុលម៉ូតូមួយកន្លែង ផ្លូវចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តហ៊ីយាន់ដាយ ប្រភេទរថយន្តកុងតឺន័រ ពណ៌ស ពាក់ស្លាកលេខ ភ្នំពេញ3D 2058 ធ្វេីដំណេីរតាមបណ្តោយផ្លូវចោមចៅក្នុងទិសដៅពីជេីងទៅត្បូងខណៈមកដល់ចំណុចកេីតហេតុស្រាប់តែមានរថយន្តឆ្លងកាត់ខាងមុខភ្លាមនោះក៏ចាប់ហ្វ្រាំងតែមិនស៊ីក៏ទាញចង្កូតមកខាងស្តាំដៃជ្រុលបុកចូលផ្ទះជួសជុលម៉ូតូមួយកន្លែងនិងកិនម៉ូតូដែលដាក់បញ្ឈនៅខាងក្នុងរងការខូចខាតអស់ចំនួន៧គ្រឿងតែសំណាងមិនមានមនុស្សរងរបួសនោះទេនិងបង្កការកកស្ទះចរាចរណ៍ផងដែរ។
ក្រោយកេីតហេតុភាគីខាងរថយន្តបង្កបានសម្របសម្រួលជាមួយភាគីខាងរងគ្រោះដេីម្បីបញ្ចប់រឿងនៅនឹងកន្លែងកេីតហេតុ ៕សហការី
