(សៀមរាប) ៖នៅថ្ងៃទី១៨ ខែតុលា ឆ្នាំ២០២៣ នៅបន្ទប់ប្រជុំលេខ១សាលាខេត្តបានរៀបចំកិច្ចប្រជុំត្រួតពិនិត្យវឌ្ឍនភាពការងាររបស់លេខាធិការដ្ឋាននៃគណៈកម្មការរៀបចំព្រះរាជពិធីបុណ្យអុំទូក បណ្តែប្រទីប និងសំពះព្រះខែ អកអំបុកឆ្នាំ២០២៣ ក្រោមការដឹកនាំរបស់លោក លី វណ្ណៈ នាយករដ្ឋបាលសាលាខេត្ត និងជាប្រធានលេខាធិការដ្ឋាន នៃគណៈកម្មការរៀបចំព្រះរាជពិធីបុណ្យអុំទូក បណ្តែប្រទីប និងសំពះព្រះខែ អកអំបុកឆ្នាំ២០២៣ ដោយមានការចូលរួមពីលោក លោកស្រី អនុប្រធាន សមាជិក សមាជិកាលេខាធិការដ្ឋាន។
បន្ទាប់ពីស្តាប់របាយការណ៍វឌ្ឍនភាពការងាររបស់អនុគណៈកម្មការនានារួចមក លោក លី វណ្ណៈ បានណែនាំដល់អនុគណៈកម្មការទាំងអស់ត្រូវរៀបចំរបាយការណ៍ ប្លង់រួម ប្លង់ទីតាំងកន្លែងប្រារព្ធពិធីនីមួយៗ និងការរៀបចំតុបតែលម្អនៅកន្លែងសំខាន់ៗក្នុងក្រុង ដេីម្បីរាយការណ៍ជូនដល់អង្គប្រជុំរបស់គណៈកម្មការរៀបចំព្រះរាជពិធីបុណ្យអុំទូក បណ្តែប្រទីប និងសំពះព្រះខែ អកអំបុកឆ្នាំ២០២៣ ដែលនឹងរៀបចំកិច្ចប្រជុំនាពេលខាមុខនេះ។
សមបញ្ជាក់ថា ការរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកឆ្នាំ២០២៣នេះ នឹងរៀបចំតាមបណ្តោយស្ទឹងសៀមរាបចាប់ពីចំណុចស្ពានថ្មអតីតមន្ទីរទេចរណ៍រហូតដល់ស្ពានអាងក្រពេី ដែលប្រព្រឹត្តទៅរយៈពេលពីរថ្ងៃ ដោយមានការរៀបចំតាំងពិព័ណ៌ ការប្រគុំតន្ត្រី អុំទូកខ្នាតតូច ផ្សារបណ្តែតទឹក ជិះទូកលេងកំសាន្ត និងគុណខ្មែរផងដែរ៕
