កម្មវិធីសិក្ខាសាលាផ្សព្វផ្សាយអំពីបេសកកម្មនៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ និងវគ្គបណ្ដុះបណ្ដាលជំនាញសម្រុះសម្រួលដោះស្រាយវិវាទជូនមន្រ្តីនៃអង្គភាពពាក់ព័ន្ធជុំវិញខេត្តព្រៃវែង

ខេត្តព្រៃវែង :ព្រឹកថ្ងៃពុធ  ទី១១  ខែកញ្ញា  ឆ្នាំ២០២៤ លោក ចាន់ រ៉ាន់ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាល នៃគណ: អភិបាលខេត្តព្រៃវែង បានអញ្ជើញចូលរួមក្នុងកម្មវិធីសិក្ខាសាលាផ្សព្វផ្សាយអំពីបេសកកម្មនៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ និងវគ្គបណ្ដុះបណ្ដាលជំនាញសម្រុះសម្រួលដោះស្រាយវិវាទជូនមន្រ្តីនៃអង្គភាពពាក់ព័ន្ធជុំវិញខេត្តព្រៃវែង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាអនុប្រធានប្រចាំការ អ.ដ.ក តំណាងដ៏ខ្ពង់ខ្ពស់ ឯកឧត្តម កើត រិទ្ធ ឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌ និងជាប្រធាន អ.ដ.ក ដែលប្រព្រឹត្តទៅនៅសាលប្រជុំធំ (A) សាលាខេត្តព្រៃវែង។

ដោយមានការអញ្ជើញចូលរួមពី៖ ប្រតិភូអមដំណើរនៃក្រសួងយុត្តិធម៌ ឯកឧត្តម លោកជំទាវ សមាជិកក្រុមប្រឹក្សាខេត្ត ឯកឧត្តមប្រធានសាលាដំបូងខេត្ត ឯកឧត្តមព្រះរាជអាជ្ញាអមសាលាដំបូងខេត្ត ស្នងការនគរបាលខេត្ត ប្រធានការិយាល័យប្រជាពលរដ្ឋ ប្រធានមន្ទីរ អង្គភាពពាក់ព័ន្ធ ប្រធានក្រុមប្រឹក្សាក្រុង ស្រុក អភិបាលក្រុង ស្រុក នាយកទីចាត់ការសាលាខេត្ត ប្រធានការិយាល័យប្រជាពលរដ្ឋក្រុង ស្រុក ប្រធានការិយាល័យនីតិកម្ម និងសម្រុះសម្រួលវិវាទមូលដ្ឋានក្រុង ស្រុក មេឃុំ ចៅសង្កាត់ សរុបចំនួន១៨២រូប។ដោយ:ជុំ ចន!