(បាត់ដំបង) ៖ នៅថ្ងៃទី១៧ខែតុលាឆ្នាំ២០២៤ គឺជាថ្ងៃចុងក្រោយនៃពិធីបុណ្យអុំទូកបណ្តែតប្រទីប អបអរថ្ងៃចេញព្រះវស្សានៅខេត្តបាត់ដំបង លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង បន្តដឹកនាំកងកម្លាំងនគរបាលរក្សាសន្តិសុខ សណ្តាប់ធ្នាប់ ជូនថ្នាក់ដឹកនាំ និងការកំសាន្តសប្បាយរបស់ប្រជាពលរដ្ឋ ភ្ញៀវជាតិ អន្តរជាតិដែលអញ្ជេីញចូលរួមក្នុងពិធីនេះ។
នៅពេលពិធីត្រូវបានបញ្ចប់នៅក្រុងបាត់ដំបង ក៏ប៉ុន្តែ សមត្ថកិច្ចនគរបាលនៅតែបន្តរក្សាសន្តិសុខ នៅតាមដងផ្លូវ នៅក្នុងពេលដែលប្រជាពលរដ្ឋអញ្ជេីញវិលត្រឡប់ទៅកាន់លំនៅដ្ឋានវិញនៅតាមបណ្តាស្រុកប្រកបដោយសុខសុវត្ថិភាព៕
