(បាត់ដំបង) :កម្លាំងនគរបាលជំនាញបច្ចេសវិទ្យាសាស្ត្របានចុះពិនិត្យសា.ក.ស.ពបុរសម្នាក់ កាលពីថ្ងៃទី១៨ កញ្ញា ដែលអ្នកភូមិប្រទះឃើញអណ្ដែតទឹកប្រឡាយ ជាមួយនឹងម៉ូតូមួយគ្រឿង នៅក្បែរផ្លូវជាតិ ត្រង់ចំណុចភូមិថ្មី ឃុំក្ដុលតាហែន ស្រុកបវេល ដែលគេសង្ស័យស្រវឹងស្រា រួចជិះម៉ូតូធ្លាក់ទឹកប្រឡាយឈ្លក់ស្លា.ប់ ។
បើតាមសេចក្ដីរាយការណ៍ជនរងគ្រោះ ឈ្មោះ ហ៊ីម ប៉ាវ ភេទប្រុស អាយុ២៧ឆ្នាំ រស់នៅភូមិដំណាក់ដង្កោ ឃុំក្ដុលតាហែន ។ សា.ក.ស.ពបុរសនេះ ត្រូវអ្នកភូមិប្រទះឃើញ កាលពីវេលាម៉ោង៧យប់ថ្ងៃទី ១៧ កញ្ញា អណ្ដែតក្នុងទឹកប្រឡាយជាមួយនឹងម៉ូតូរបស់ខ្លួន ទើបមានការភ្ញាក់ផ្អើល និងបានរាយការណ៍ប្រាប់សមត្ថកិច្ចភ្លាមៗដែរ ។
កម្លាំងនគរបាលជំនាញរួមទាំងគ្រូពេទ្យផង បានចុះពិនិត្យសា.ក.ស.ពជនរងគ្រោះនៅថ្ងៃទី១៨ កញ្ញា ដើម្បីស្វែងរកពីមូលហេតុនៃការស្លា.ប់របស់ជនរងគ្រោះ ។ ប៉ុន្តែបើតាមរបាយការណ៍ និងការវាយតំលៃជាបឋមរបស់មន្ត្រីជំនាញ ក្រោយពេលធ្វើការត្រូតពិនិត្យកន្លែងកើតហេតុ ជនរងគ្រោះអាចស្ថិតក្នុងស្ថានភាពស្រវឹងពេលធ្វើដំណើរដែលគេអះអាងថា ជិះម៉ូតូលឿនហូសហែត ហើយក៏ជ្រុលធ្លាក់ប្រឡាយទាំងមនុស្ស ទាំងម៉ូតូរហូតឈ្លក់ទឹកស្លា.ប់តែម្ដង ដោយពុំមានអ្នកដឹងភ្លាមៗ ក្នុងពេលហេតុ ។
យ៉ាងណាក្ដី ក្រោយពេលពិនិត្យមន្ត្រីជំនាញ បានធ្វើកំណត់ហេតុ ប្រគល់ស.ពជនរងគ្រោះឲ្យទៅសាច់ញាតិយកទៅធ្វើបុណ្យតាមប្រពៃណីហើយ ៕សហការី
