ភ្នំពេញ ៖ រថយន្តដឹកថ្នាំពេទ្យរបស់ក្រុមហ៊ុន នេតឈ័រ ហ្វាម៉ាមួយគ្រឿង ត្រូវបានអគ្គីភ័យឆាបឆេះរងការខូចខាតស្ទើរតែ ស្រុង ខណះពេល ដែលឈបចតសុកៗ នៅក្នុងផ្ទះមួយកន្លែង ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១និង៤០នាទីរសៀលថ្ងៃទី២៥ខែ តុលា ឆ្នាំ ២០២២ នៅចំណុចផ្ទះចែកចាយថ្នាំពេទ្យ របស់ក្រុមហ៊ុន នេតឈ័រហ្វាម៉ា ស្ថិតនៅផ្ទះលេខ ២៨៧អា ផ្លូវលំ ភូមិ ចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានីភ្នំពេញ។
រថយន្តមួយគ្រឿងដែលអគ្គីភ័យឆាបឆេះនោះម៉ាកសាំយ៉ុង ពាក់ស្លាកលេខ ភ្នំពេញ ២I-២៨៣៤ ជារថយន្តដឹកសម្ភារៈ និងថ្នាំពេទ្យរបស់ក្រុមហ៊ុន នេតឈ័រហ្វាម៉ា។
តាមព័ត៌មានអោយដឹងថា នៅមុនពេលកើតហេតុ ខណៈពេលដែលរថយន្តឈប់ចតនៅក្នុងផ្ទះ ស្រាប់តែ ភ្លើង បានឆាប់ឆេះផ្សែងហុយខ្មួលខ្មាញ់ ចេញពីរថយន្ត ហើយក្លាយជាអគ្គីភ័យយ៉ាងសន្ធោសន្ធៅ ។ ភ្លាមៗប្រជាពលរដ្ឋ ក៍ដូចម្ចាស់រថយន្តក៍បាននាំគ្នា ជួយបាញ់ពន្លត់ដែរ តែពុំអាចទប់ស្កាត់បាន ។ នៅក្នុងហេតុការរថយន្ត ពន្លត់អគ្គីភ័យចំនួន២គ្រឿងបានទៅអន្តរាគមន៍បាញ់ពន្លត់អស់ទឹក១រថយន្តហើយ ភ្លើង បានរលត់ទៅវិញ ។
តាមនគរបាលបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា អគ្គិភ័យនេះបណ្តាលអោយរថយន្ត១គ្រឿងបានរងការខូចខាត ស្ទើរតែទាំងស្រុង តែពុំបណ្តាលអោយចេះរាល់ដាល់ទៅលំនៅឋាន ប្រជាពលរដ្ឋ នៅក្បែរនោះឡើយ។
តាមព័ត៌មានអោយដឹងថា ការកើតមានអគ្គិភ័យនេះសង្ស័យថា បណ្តាលមកពីឆ្លងចរន្តភ្លើងអាគុយ រថយន្ត ដែលឈប់ចតទុកចោលនៅក្នុងផ្ទះ ៕សហការី