(#កំពត#) $ ប្រភពពីប្រភពពីប្រជាពលរដ្ធ និងក្រុមអ្នកញឿនល្បែង នៅភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត បានបង្ហើឲ្យដឹងថា៖ បច្ចុប្បន្ននេះម្ចាស់កាស៊ីណូសុខ (គីមម៉េង) នៅច្រកតន់ហន់ បើកឲ្យពលរដ្ឋខ្មែរចូលលេងល្បែងបញ្ជល់មាន់ និងល្បែងផ្សេងៗទៀតយ៉ាងពេញបន្ទុកដោយគ្មានញញើតអ្វីទាំងអស់ ព្រោះគេអាងមានខ្នងបង្អែករឹងមាំ។
មន្ត្រីអាជ្ញាធរ និងសមត្ថកិច្ចនគរបាលឃុំព្រែកក្រឹស ក៏ដូចជាមន្ត្រីអាជ្ញាធរ និងសមត្ថកិច្ចនគរបាលឃុំព្រែកក្រឹស ក៏ដូចជាមន្ត្រីអាជ្ញាធរ និងសមត្ថកិច្ចនគរបាល ស្រុកកំពង់ត្រាច មិនហ៊ានប៉ះពាល់បុគ្គលឈ្មោះ សុខ ចាយ ដែលបើកល្បែងបញ្ជល់មាន់ បៀ អាប៉ោង យូគី នៅក្នុងកាស៊ីណូ( សុខ គីមម៉េង )នោះទេ!។
សូម្បីតែអាជ្ញាធរខេត្តកំពត ក៏បណ្ដោយឲ្យម្ចាស់កាស៊ីណូ សុខ គីមម៉េង នៅច្រកតន់ហន់ធ្វើអ្វីៗតាមអំពើចិត្តដែរ?។
បេីតាមការអះអាងពីអ្នកធ្លាប់ចូលទៅដល់សង្វៀនបញ្ជល់មាន់ និងវង់បៀ អាប៉ោង យូគី ក្នុងកាស៊ីណូ (សុខ គីមម៉េង) បានឲ្យដឹងថា អ្នកចូលលេងល្បែងក្នុងកាស៊ីណូ នេះសុទ្ធតែជាពលរដ្ឋខ្មែរ គឺគ្មានជនបរទេសនោះទេ ដោយក្នុងមួយថ្ងៃៗមេល្បែងស៊ីសងឈ្មោះ សុខ ចាយ ប្រមូលលុយបានយ៉ាងច្រើនសន្ធឹកសន្ធាប់។
ជាក់ស្តែងពលរដ្ឋខ្មែរមកពីគ្រប់ទិសទី សម្រុកចូលលេងល្បែងក្នុងកាស៊ីណូ( សុខ គីមម៉េង )យ៉ាងគគ្រឹកគគ្រេង ដោយមិនខ្លាចជំងឺឆ្លងរាលដាលនោះទេ ហើយមានអ្នកចាញ់ឈានទៅដល់ប្រចាំទ្រព្យសម្បត្តិ ផ្សេងៗទៀតផង ចំឡែកអ្នកឈ្នះស្រែកទ្រហឹងអឹងកងមិនខ្វល់អ្វីទាំងអស់។
ប្រភពខ្លះបានបង្ហើបឲ្យដឹងថា មានមន្ត្រីធំៗនិងសមត្ថកិច្ចក្នុងខេត្តកំពត ទទួលផលប្រយោជន៍ពីម្ចាស់កាស៊ីណូ (សុខ គីមម៉េង) ទើបអ្វីៗអាចប្រព្រឹត្តទៅយ៉ាងរលូន។
ប្រជាពលរដ្ឋបានអំពាវនាវឲ្យថ្នាក់ដឹកនាំក្រសួងមហាផ្ទៃ និងនាយឧត្ដមសេនីយ៍ នេត សាវឿន អគ្គស្នងការនគរបាលជាតិ ចាត់វិធានការទប់ស្កាត់ភាពមិនប្រក្រតីក្នុងកាស៊ីណូ( សុខ គីមម៉េង) ជាបន្ទាន់ ដើម្បីកុំឲ្យម្ចាស់កាស៊ីណូនេះ បំពានច្បាប់តាមអំពើចិត្តទៀត។
មានការរិះគន់ចំៗថាអាជ្ញាធរខេត្តកំពត មិនយកចិត្តទុកដាក់បង្ក្រាបល្បែងស៊ីសងដើម្បីពង្រឹងសន្តិសុខសង្គម ឲ្យស្របតាមនយោបាយភូមិ-ឃុំ មានសុវត្ថិភាពទាំង7ចំណុចនោះឡើយ !..៕សហការី
