ប្រភពពីក្រុមឈ្មួញរកស៊ីដឹកទំនិញឆ្លងកាត់ភាគខាងកើតប្រទេសបានឲ្យដឹងថា ចាប់តាំងពីលោក អ៊ួន សុវណ្ណារ៉ា ទទួលបាន តំណែងជាប្រធានគយចល័តតំបន់១មក សកម្ម ភាពនៃការជម្រិតទារប្រាក់បានកើនឡើង មានន័យថាឈ្មួញចំណាយកាន់តែច្រើន។ លោកបានតម្រូវឲ្យឈ្មួញបង់ពន្ធតាមរបៀបម៉ៅការហើយឈ្មួញទាំងនោះអាចនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញ ខុសច្បាប់កាន់តែច្រើនឡើងៗដែលនាំចូលពីប្រទេសវៀតណាមតាមច្រកព្រំដែនបណ្ដាខេត្តភាគខាងកើត។
ឈ្មួញតូច ធំ ដឹកជញ្ជូនទំនិញពីស្រុកយួន ឆ្លងកាត់ច្រកទ្វារអន្តរជាតិព្រំដែននិងច្រកទ្វារអន្តរជាតិព្រំដែននានា ជាពិសេសតាមបណ្តោយផ្លូវជាតិលេខ១ ព្រមទាំងច្រកផ្សេងៗទៀត មានរថយន្តធំៗដឹកទំនិញពីគ្រប់បណ្ដាខេត្ត ចូលមកទីក្រុងភ្នំពេញ ក្នុងមួយថ្ងៃៗមិនក្រោមពី១០០០គ្រឿងនោះទេ ហើយឡានដឹកទំនិញទាំងនោះត្រូវបង់ឲ្យ មេគយចល័តតំបន់១ក្នុងរថយន្តនីមួយៗបង់ចន្លោះពី១០០ដុល្លារទៅ៤០០ដុល្លារឲ្យទៅមេគយចល័តតំបន១ទើបចូលទីក្រុងភ្នំពេញបានដោយសុវត្ថិភាព។ នេះជាអំពើពុករលួយនិងទង្វើមិនប្រក្រតីរបស់លោក អ៊ួន សុវណ្ណារ៉ា មេគយចល័តតំបន់មួយកំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ ហើយមន្ត្រីគយក្រោមឱវាទរបស់លោក អ៊ួន សុវណ្ណារ៉ា អាចគាបសង្កត់ជំរិតយកលុយលើតុក្រោមតុពីក្រុមឈ្មួញតាមអំពើចិត្តរបស់ខខ្លួន ។
ប្រភពពីមន្ត្រីគយតតំបន់១បានឲ្យដឹងថា ចាប់តាំងពីលោក អ៊ួន សុវណ្ណារ៉ា ត្រូវបានតែងតាំងជាប្រធានគយចល័តតំបន់មួយ រួចមកគឺមន្ត្រីគយរូបនេះប្រើតួនាទីនិងអំណាចប្រព្រឹត្តអំពើពុករលួយយ៉ាងពេញបន្ទុក ដោយគ្មានញញើតអ្វីទាំងអស់។ ប្រភពខ្សឹបខ្សៀវថា ដោយ សារលោក អ៊ួន សុវណ្ណារ៉ា ចំណាយដើមទុនយ៉ាងច្រើនក្នុងការទទួលបានតំណែងជាប្រធានគយចល័តតតំបន់ន១ ទើបប្រើគ្រប់វិធីដើម្បីប្រមូលលលុយ តាមរបៀបពុករលួយស្រេចតែអំពើចិត្តរបស់ខ្លួន។ ពួកឈ្មួញរកស៊ីដឹក ទំនិញឆ្លងដែនគឺប្រទេសវៀតណាមគ្រវី ក្បាលចំពោះទង្វើរបស់មន្ត្រីគយចល័តប្រចាំតំបន់១។
ហេតុនេះហើយទើបឈ្មួញ អាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមតាមបណ្ដាលខេត្តចូលមកទីក្រុងភ្នំពេញ កាន់តែច្រើនឡើងៗហើយលោក អួន សុវណ្ណារ៉ា តែងប្រើឈ្មោះមន្ត្រីគយធំៗនៅក្នុងអគ្គនាយកដ្ឋានគយនិងរដ្ឋាករកម្ពុជាដើម្បីបិទបាំងទង្វើរបស់ខ្លួនផងដែរ។ ដោយសារតែទង្វើពុករលួយក្រោមតុសម្រាប់មន្ត្រីគយនោះហើយ ទើបបានជាឈ្មួញព្យាយាមនាំទំនិញចូលដោយមិនបង់ពន្ធឬបង់ពន្ធមិនគ្រប់។ ពីព្រោះថា មន្ត្រីគយមិនដែលចុះត្រួតពិនិត្យមើលទំនិញទេ គឺដើរក្រវែលតែរថយន្តដឹកទំនិញហើយយកលុយប៉ុណ្ណោះ៕សហការី
