(សៀមរាប) ៖ រសៀលថ្ងៃទី១៤ ខែមីនា ឆ្នាំ២០២៤ នៅរដ្ឋបាលខេត្ត មានកិច្ចប្រជុំត្រៀមរៀបចំបដិសណ្ឋារកិច្ចក្នុងពិធីបុណ្យទន្លេ លើកទី៨ ឆ្នាំ២០២៤ នៅខេត្តសៀមរាប ក្រោមការដឹកនាំដោយ ឯកឧត្តម ស៉ី ណាន នាយករងខុទ្ទកាល័យរដ្ឋមន្ត្រីក្រសួង និងជាទីប្រឹក្សាក្រសួងទេសចរណ៍ និងលោក ង៉ូវ សេងកាក់ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ដោយមានការអញ្ជេីញចូលរួមពីក្រុមការងារពិធីការរបស់ក្រសួងទេសចរណ៍ និងក្រុមការងាររបស់រដ្ឋបាលខេត្ត។
កិច្ចប្រជុំនេះ ដេីម្បីត្រួតពិនិត្យ ត្រៀមរៀបចំទទួល និងទំនាក់ទំនង រៀបចំពិធីបុណ្យទន្លេលេីកទី៨ ក៏ដូចជាធ្វើការផ្សព្វផ្សាយបន្ថែមឱ្យបានទូលំទូលាយចាប់តាំងពីការរៀបចំរហូតដល់លទ្ធផលបញ្ចប់កម្មវិធី ព្រមរៀបចំអញ្ជើញគណៈអធិបតី និងភ្ញៀវកិត្តិយស ដើម្បីចូលរួមកម្មវិធីផ្សេងៗក្នុងពីធីបុណ្យ ជាមួយគ្នានេះក្រុមការងារក៏ត្រូវរៀបចំថតយកទិដ្ឋភាព និងយកព័ត៌មានតាមការសម្ភាសន៍អ្នកមកកម្សាន្តក្នុងពិធីបុណ្យ សម្រាប់ផ្សព្វផ្សាយផងដែរ។
