(បន្ទាយមានជ័យ) ៖ អនុវត្តតាមការណែនាំរបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនៅថ្ងៃទី០៣ខែមេសាឆ្នាំ២០២៤លោកឧត្តមសេនីយ៍ត្រី រ៉ែម វីរះ ស្នងការរងផែនការងារសេនាធិការបានចុះជួបសំណេះសំណាលជាមួយកម្លាំងប្រជាការពារចំនួន៥០នាក់ដែលមកពី៩ឃុំក្នុងស្រុក។
ពិធីនេះធ្វេីឡេីងនៅអធិការដ្ឋាននគរបាលស្រុកព្រះនេត្រព្រះក្នុងនោះក៏មានការអញ្ជេីញចូលរួមពីលោក ស៊ុត ង៉ុយ អភិបាលរងស្រុកព្រះនេត្រព្រះនិងលោកវរសេនីយ៍ទោ ទេព រដ្ឋា អធិការនគរបាលស្រុកព្រះនេត្រព្រះការជួបសំណេះសំណាលនេះដេីម្បីអោយកម្លាំងប្រជាការពារក្លាយជាកម្លាំងសន្តិសុខដ៏រឹងមាំក្នុងមូលដ្ឋានដេីម្បីការពារសន្តិសុខសណ្តាប់ធ្នាប់ក្នុងឱកាសបុណ្យចូលឆ្នាំថ្មីខាងមុខនេះ៕
