(ភ្នំពេញ) ៖ បុរសម្នាក់ត្រូវបានសមត្ថកិច្ចឃាត់ខ្លួនយកទៅ
សួរនាំនិងចាត់ការតាមនីតិវិធីក្រោយពីរំលោភក្មួយស្រីបង្កេីតបានសម្រេច។
ការឃាត់ខ្លួននេះបានធ្វេីឡេីងកាលពីវេលាម៉ោង១០និង១០នាទីព្រឹក ថ្ងៃទី២៥ ខែកញ្ញាឆ្នាំ២០២៣ នៅភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះ យី សុខុម ហៅគម ភេទប្រុសអាយុ៤៧ឆ្នាំ មុខរបរនៅផ្ទះ ស្នាក់នៅបន្ទបលេខ១ ភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ។
ចំណែកជនរងគ្រោះ អាយុ២០ឆ្នាំ មុខរបរកម្មការិនីរោងចក្រ ស្នាក់នៅបន្ទប់លេខ១០ ភូមិអូរដឹម សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា កាលពីវេលាម៉ោង៩ព្រឹក ថ្ងៃទី២ ខែកញ្ញា ឆ្នាំ២០២៣ ជនរងគ្រោះបានដេកនៅក្នុងបន្ទប់ជួលម្នាក់ឯងបន្ទាប់មកស្រាប់តែជនសង្ស័យដែលត្រូវជាពូស្នាក់នៅបន្ទប់ជិតគ្នាក៏រុញទ្វារចូលសង្កត់ពីលេីជនរងគ្រោះរួចធ្វេីសកម្មភាពចាប់រំលោភរហូតបានសម្រេចម្តងហេីយជនសង្ស័យទៅបន្ទប់ជួលវិញធម្មតា។
ប្រភពដដែលបានបន្តថា ក្រោយពីជនសង្ស័យជាពូចាប់រំលោភរួចជនរងគ្រោះភ័យខ្លាចមិនហ៊ានប្រាប់សាច់ញាតិនោះទេ រហូតមកដល់ថ្ងៃទី២៤ ខែឆ្នាំដដែលទេីបជនរងគ្រោះប្រាប់ពីដំណេីររឿងទៅម្តាយ បន្ទាប់មកម្តាយក៏នាំកូនស្រីមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី៣ដេីម្បីសុំការអន្តរាគមន៍ លុះមកដល់ថ្ងៃទី២៥ ខែកញ្ញា ម្តាយនិងកូនជាជនរងគ្រោះឃេីញជនសង្ស័យជាពូនៅបន្ទប់ជួលក៏ឃាត់ខ្លួនតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាក់ការតាមនីតិវិធី៕សហការី
